ابي كان اكثر عدلا من اله محمد 
فاش كنا صغار كان كيعطيني عشرة الدراهم وكيقول ليا قسميها مع خوك ، عمرو ماقال عطي لخوك مية وثلاثين ريال وخوذي سبعين باراكة عليك.
وديما انا اللي كنت مكلفة بعملية القسمة. 
نفس الشيء بالنسبة لفلوس العيد وحتى فاش كبرنا كان كيفضلنا انا وخواتاتي  فموضوع الفلوس وكيقول لخوتي الدراري بالضحك 
شوف ابوقال هاذ الشي ديال الدريات خصو الفلوس راه غير شامبوان ديالهم وذاك التخربيق ديال الصباغة داير الثمن نتا باراكة عليك جيل ( طبعا فالاخير شرا ليه موطور وتقولبنا كاملين

ولكن ماعمرنا حسينا بالميز حتى فالعيد الكبير اختي اللي كانت كتذبح معاه وكتسلخ وهي اللي كانت كتبدل الرويضة ديال الطوموبيلة وكتصلح ليناالضو والروبينيات  ايلا ماكانوش خوتي.
فاش مات واضطرينا نديرو رسم الاراثة عاد حسيت مزيان بالغانجو انا والوالدة اللي خدمات حياتها كاملة وساهمات معاه بالمانضة من نهار الاول.. طار ليها ثمن فكلشي الحزاق اللي خلى.
 
اول مرة كنشوف الحزن والصدمة فعينيها وحنا راجعين من عند العدل.
ومرة اخرى طلعنا حنا اكثر انسانية من اله محمد وتنازلنا ليها على الدار تبقى فيها حتى يسالي اجلها.
ويجي شي حد يقول ليا لا ..الاسلام كرم الام
 
الاسلام عطا للام تصرفيقة حتى داخت لانه اعطاها فقط السدس من تركة ابنها وفقط الثمن من تركة زوجها وكرس بذلك وضعها المهين كانسان عالة على الرجل.
كنعرف عيالات بيعوهم ولادهم الدار وحقهم يالله شرا ليهم بواطة ديال السردين عند انس الصفريوي وسط الزحام والجيران 
وكنعرف جوج بنات مات باهم وجا عمهم ماشي حتى شقيق واللي ماعمرهم شافو كمارتو ليلة العشا وقال ليهم 
دابة اش غديرو معايا؟
امهم تشللات فيها..
 
محمد حط قانون ديال قطاع الطرق الهمج وانتوما فالقرن واحد وعشرين مازال متمسكين بيه
ها علاش العلمانية
 
https://www.facebook.com/groups/amenofice/permalink/3035657833214609/